2015年05月21日 星期四
看透世事的劉鳴煒
話說大劉仔好溫馨咁提示各位後生仔，要儲好錢先有機會上樓。毛孩覺得佢講嘢真係好有道理，世事都畀佢看透晒，真係唔表揚唔得！而家毛孩就為大家重溫一下佢看透世事嘅神蹟。
其實上年大劉仔已經試過一言驚醒（嚇Q死）年輕人，佢話：「唔多人瞓街 —> 大家都有屋住 —> 青年人住屋有選擇！」嘩！呢啲咪邏輯囉，呢啲咪智慧囉！
資料來源：《星期五主場》（2014年12月12日）
之後佢又再一次突破盲腸，發現大學生住劏房係為咗住近市區方便返工！既然係大家貪方便先住劏房，咁就唔好怪居住環境差喇！
今次佢就好好心咁勸啲後生仔唔好咁大使，想上車就要儲錢，真係警世良言呀。
資料來源：劉鳴煒專訪 part 2（2015年）
2015年05月21日 星期四
看透世事的劉鳴煒
而大劉仔除咗關心住屋問題之外，仲好關心政治啦、社會啦、同年輕人㗎！
大劉仔又表示過，應該好好利用雙非父母，吸納佢哋成為香港人才，為香港服務！嫌新香港人唔夠多咁話。
資料來源：樹仁新傳網（2014年）
佢話政府同青年嘅關係就好似老竇老母同仔女咁，其實政府好關心青年人㗎。冇錯！政府是我爸、警察是我媽，佢兩個見到我就打！
資料來源：蘋果日報（2015年4月28日）
不過佢有一樣嘢就唔係好睇得透喇，《100毛》嘅毛孩，其實全部都係廢青嚟。
資料來源：蘋果日報（2015年4月21日）
