毛記電視開咗台幾日喇，憑住毛牌電視史上罕見嘅劣質製作，震驚全港七百萬人。嗯，雖然啲節目係劣質，但我哋都會繼續求進步嘅。咁要「知己知彼」，先有得百（毛）戰百（毛）勝嘛，所以毛孩就做咗少少功課，睇下同樣係無記嘅無綫開台嗰陣係點：
Round1:開幕禮
CCTVB喺1967年11月19日啟播，當年嘅啟播儀式請咗全港最大粒嘅西人，港督戴麟趾坐直升機去做主禮，巧有飛屎巧犀利呀。
毛記電視喺2015年5月18日啟播，而毛記電視嘅啟播儀式，就請到……呃，係冇請到人嘅，淨係得全香港最西面嘅員工，即係毛孩sssss返嚟繼續開工，絕對係簡單而唔隆重呀。
慳水慳力度:毛記電視勝
喺地球資源缺乏嘅情況下，搞一個啟播儀式實在太浪費，就算唔掟壽包唔切蛋糕，人力物力燈光攝影就算司儀嘅一啖口水……都係資源。冇啟播儀式，咪咩都慳返囉！
Round4:新聞節目
CCTVB開台嗰陣，本土製作嘅節目主要係以新聞節目為主，而佢哋咁多年嚟，即使遇過吹到流肛華撞到個記者嘅大風大雨，都可以一直持守住維穩河蟹、是是旦旦嘅專業精神，呢一份嘅堅持真係好難得。
《六點半左右新聞報道》，聲稱擁有全宇宙最業餘嘅新聞團隊，專係探討每日膠事。BTW，我聽聞自從毛記新聞出街之後，全球海洋水平面急速下降咗0.000000000000001米咁多。
業餘度:毛記新聞勝
毛記啲主播一路食嘢一路報新聞，就算鏡頭影住都仲喺度食多兩啖先講嘢，你話有幾業餘？無記就唔同呢，拿拿淋rap完段稿咪有得收工放飯囉。
總結：無綫電視勝
經 過幾個回合嘅激戰之後，結果出現了，就係無記大獲全勝喇！我冇計錯數，因為上面嗰3個決鬥好雞毛鴨蒜，不過係佔總分3%咁多多。咁另外嗰97%係乜？節目 製造嘅認真程度啦、親生仔女人數啦、食麵次數啦等等，總之計晒之後就係CCTVB贏啦。計呢啲，開台得嗰幾日嘅毛孩，真係拍馬都追唔上呀。（阿Bob mode）大家一齊畀啲掌聲恭喜CCTVB啦！啪啪啪！
