噚日《100毛》Facebook些牙咗「【一人一句】老師充滿哲理嘅金句」之後，引嚟一眾好學不倦嘅學生哥熱烈討論，喺留言度積極進行學術性討論，無私咁同大家些牙佢哋聽老師講過最有哲理嘅金句。
毛毛真係學到好多嘢呀，所以我都好認真咁做晒筆記，mark低咗一啲好有用嘅金句，仲分晒類咁同大家一齊自修。
高難度技巧金句
老師總係鍾意突破盲腸，鼓勵同學做啲「明知其不可為而為之」嘅事。
Emily Lai ：後面同學聽唔聽到? 聽唔到就舉手!
Chiu Man Sum ：唔好鎖住同學響班房外面
Homing Ng ：個數學老師話:我要聽到無聲 咁佢要聽啲咩?
Kevin Wong ：（佢叫個學生罰企望住個窗，跟住同個學生講）我叫你望窗唔係望街景
Ken Wong ：冇帶筆記嘅同學將啲嘢抄落筆記
Oscar Lai ：小學時lunch老師：你地合埋個咀食飯呀！
Hoi Ho ：VA老師：用濕布抺乾張枱
Tszyu Cheung ：你同我坐起身！
Phoebe Wu ：你明知塞車 做咩唔早啲岀門口
哲理金句
老師同董伯伯一樣，「貴姓呀陳生？」呢啲理性邏輯推理，真係唔係人人都明白。你唔明，因為你真係唔明（應該係）。
Son Yung：下星期五突擊測驗
Li Joyce：宜家四社已經進入左四強啦！
Bill Lai ：有個學生測驗唔合格，老師約佢放學後重測。
學生：星期三放學後先得閑喎
老師：星期三即係禮拜幾？
Jade Lo ：某老師喺早會嚴厲嘅呼籲：「If I ask you to come, you must go！」
Mak Tak Shing ：如果你有交功課，就唔會冇交功課
Edward Choi： 某數學老師：有冇邊條唔明要問我？(之後有人問) 呢條甘簡單 返埋位自己諗下
某生物老師：充足既睡眠好重要....同學你吾好再訓教
Samuel Adon Tang： 同學要去廁所
老師：我見唔到你急
Lam Wai Lester ：有次食lunch啲同學太嘈
個Miss衝左入黎大喝：
「你地用把口黎食飯架？！」
常識金句
有啲常識，如果真係個個都識，就唔使返學叫老師教你啦！
Jacky Ma ：我只有四字的評語：「我對你地好失望」
Sze Shing Lau ：中學物理呀sir問:點解我講野會有聲嘅？
Harry Chak： 代課阿蛇：未見過有人嘈到成個垃圾崗咁
我心諗，垃圾好嘈架咩？不知幾靜～
頌庭黃：老師:你同我合埋我把嘴
Lai Kelly Lok Tung ：測驗準備完...
老師:'Times up!!you may start now!'
Wingyan Yvon Lam ：考試前：拎你個電話出黎……然後收埋佢
Shirley Hung ：A同B講:食屎啦你
阿sir:你講咩話?！
A靜左
阿sir: phy lab唔比食野
阿sir教睇掌紋
佢: 我事業線好深 洗唔洗傳黎比你地睇?
Wingyan Yvon Lam ：有冇見過恐龍咆哮？我就是恐龍！
做人處世金句
為人師表，唔止教學生課本上嘅知識，最重要係教佢哋點做人，呢啲金句先至畢生受用呀！
Tai Tai Tai ：訓導老師小息巡樓：同學你甩撚左鞋帶
Ngai Ho ：你會唔會因為自己下面條野太長而出街唔拉褲鏈㗎？
Man Lai ：老師講題外話：你夢想係要做個冇雀嘅腳仔
延伸閱讀：【一人一句】老師充滿哲理嘅金句
