眾所9知，香港土地問題嚴重，就算畀你有架車，都未必有車位畀你泊車！讀者Mandy Jones喺街度見到新式泊車法。

呢架車善用空間，地盡其用，有位就泊，成功突破盲腸。警棍係手臂嘅延伸，樓梯一樣係平地嘅延伸之嘛，相信好快就可以進化到小山坡都做埋停車場喇！不過喺未進化成功之前，都仲有其他方法可以參考住先嘅，之前小心駕駛（討論別人駕駛態度）群組入面就上載過一張打直泊車嘅相嘞。

冇位泊車又唔可以打橫嚟，咁咪打直嚟囉，合情合理。

強國武漢有個司機仲霸氣呀，一變二，二變三，明明兩個車位就泊第三架車落去。

咁嗰兩格車泊完都仲有位淨，梗係唔好嘥啦！其實主要都係要多謝中間嗰架白色車（應該係）。

來源：蘋果日報