香港成日都話要講求創意，乜都要求變，連騙徒都唔例外。佢哋呃人嘅手法變變變有無限嘅新騙法，毛毛啱啱又收到個friend子send嚟嘅message，係一段疑似香港警察嘅錄音。

段錄音就係話：

「喂，你哋同你哋啲女朋友同老婆講呀，啱啱我哋防止罪案科出咗個alert呀，有人會send message畀你同你講呢，同你老公或者同你老婆有路呀，跟住呢就話真係好鍾意佢，叫你退場，然之後喺下面就跟個link畀你就話有啲相，有證據，叫你click入個link度自己睇咁樣，跟住你一click入去，佢就會有個木馬程式，將你個電話裡面，如果你曾經用過個電話上過一啲銀行網嗰啲呢，佢會將你嗰啲銀行資料全部cop走晒，咁就同你另一半講，收到呢啲message就唔好L信呀。如果佢認為呢一段嘅警剔係呃你呢，叫佢自己上警察網頁嗰度睇一睇，睇返防止罪案科出嗰啲alert！」

我聽完就一啲都唔驚嘅，因為我都幾肯定自己一定唔會中呢招，因為要中招，首先要有……嘅嘢我都冇！不過為咗我女神同埋你哋著想，我當然馬上去求證啦。

喺防止罪案科嘅網頁又好似暫時未見到呢個最新騙案手法喎，不過點都好，寧願信其有嘛。

BTW，你有冇留意呢段錄音一開頭第一句係講咩呀？heehee。

更多資料：香港警務處 - 最新警示、香港警務處 -防騙資訊

延伸閱讀：【睇L住呀】騙徒又有新玩法、【防中招一定要睇】最新型電話騙案！！