「香港土地供應不足」就係人都知，但喺689把口講出嚟就特別有說服力嘅。突手689雖然enjoy緊佢嘅10日大假，但都心繫香港，不忘寫網誌。

689喺網誌話，期待佢嘅智將同事再接再厲，繼續努力搵地，起多啲樓。嗯，真係辛苦晒喇689……啲同事。689仲喺文章最後一句攞返個尾彩，話嗰啲以各種手段「拉布」，阻9住土地供應嘅衰衰豬，唔知有咩居心。

追返再上一篇網誌，689有提到「創新及科技局在立法會被拉布」嘅。當中關係都好明顯呀，毛毛我讀咁少書都一睇就明！有班唔想香港好嘅衰衰豬拉布，搞到創科局成立唔到，跟住就香港土地供應不足喇！唔難明，真係一啲都唔難！

資料來源：特首網誌 - 有土地才會有房屋、特首網誌 - 及時送上額外津貼