旺角西洋菜街一向都有好多身懷絕技嘅人士載歌載舞，為途人帶嚟歡樂，當中最吸引毛毛嘅，就喺一眾能歌善舞嘅大媽們，佢哋甜美嘅聲線、華麗嘅台風真係好j-able，令路過嘅男士都要停一停，諗一諗，入唔入伍好，甚至有uncle忍唔住……畀錢佢哋！

唔止uncle，連食環署職員同一眾慈母都拜倒喺大媽嘅石榴裙下。根據網民伊魂表示，佢哋非常盡忠職守咁守護住大媽，一方面趕走其他表演者，等大媽可以獨領風騷，另一方面又嚴陣布防，確保大媽唔會畀啲無謂人騷擾。

如果大家諗住去探班嘅話，毛毛建議各位兵仔記得帶定耳筒去，唔係畀大媽用呀，係自己戴住呀，因為TMHK嘅記者發現大媽們唱歌有成115分貝，專家話聽1分鐘就會對聽力造成永久傷害㗎喇！

來源：伊魂、SocREC 社會記錄頻道、TMHK