2015年08月06日 星期四
【成蟲新金句】強迫自己去坐監
成蟲大哥又有新金句喇！唔知佢忙住做嘢定諗金句呢，最近佢接受訪問嘅時候話，覺得花啲時間坐監可能對好多人有好處喎。
成蟲大哥仲話，要定一個監獄假期，強迫啲有錢人，甚至佢自己去坐監。大哥真係大哥，迫自己坐監都有嘅，唔通佢想學啲苦行僧咁修練？BTW，佢話「坐監有好處」，毛毛就肯肯定如果佢坐監，我哋會一啲好處都冇囉，冇得聽佢啲金句！
成蟲曾經話過，一個地方太自由就會變到好很混亂，所以「中國人還是需要被管的」，但去韓國宣傳新片時又話自己係半個韓國人。55，一半中國一半韓國，唔怪得成蟲係有少少唔管自己啦，唔通就係因為咁要坐下監等人管佢？
希望成蟲大哥得償所願，真係有得放返個監獄假期嘆下啦！（雙手舉起V字）Yeah！
