前日「正義聯盟黨」正式建黨，而主席就係私煙BB喇。當毛毛睇到呢張相嘅時候真係好嬲，嗰隻手到底想對私煙BB做啲咩？睇嚟毛毛要加入「正義聯盟黨」保護BB先得！I’m ready! I’m ready!
毛毛即刻就上網Search吓點樣入會，畀毛毛搵到一張疑似私煙BB嘅入伍申請表......呀唔係，係「正義聯盟黨」嘅會員申請表先啱，原來入會費都係二百蚊，食個烏冬都九千幾啦，二百蚊算係啲咩？
嗚呀......私煙娘娘今日又晒自拍派軍糧喇，毛毛真係好鐘意呢個咁天然咁迷人嘅下巴 <3
私煙BB話已經有超過一千人有興趣入伍喇喎，嘩......如果每人畀兩舊水入會費咪有成廿萬？雖然唔夠流局長搵得多，但都多過你班廢青一年人工！