偉大嘅禮義廉又有恩政喇！佢今次成功爭取到一個起咗四年嘅廁所成為鰂魚涌站第一個廁所呀！

樂活鰂魚涌page就話，呢單嘢唔止old new is so唔識串，就算真係你爭取，你都唔係拎返上界選舉嘅政績出嚟回帶呀？

毛記電視記者加編輯就冒生命危險為大家向鰂魚涌站職員了解過：「下，唔係佢爭取㗎喎，幾年前就有㗎啦，因為兩鐵合併嗰時九廣鐵路有廁所，所以呢邊都整返個之嘛。」

是旦啦，話唔定係佢用念力改變港鐵高層腦電波成功爭取到個廁所返嚟嘅呢。快啲順手登個banner話自己成功爭取香港回歸，加買埋大公報頭版寫民建聯成功爭取抗戰勝利啦。

來源：樂活鰂魚涌