9月3號毛啦啦多咗日假，有咩好做？有個沙田一日遊活動推介返。

首先就上一上望夫山，喺山上紀念為國爭光、作戰嘅士兵，感受佢哋行軍遠征嘅辛勞，同埋望夫夫人嘅望夫心切。之後再去睇吓啲歷史悠久嘅花崗岩，而呢個沙田深度遊最後一站就係去睇⋯⋯植物喇！係呀，即係花花草草同埋路邊大樹呀嗰啲咁，再唔睇隨時畀人斬咗冇得睇㗎喇。

呢啲嘢關抗戰勝利咩事？嗱，要不是強國係當時抗戰嘅中流砥柱，最後仲成功擊退外敵，今日你會有呢座山呢嚿石同呢棵樹睇？感恩啦廢青！