前排個個都係咁講每週最低工時，好多地方每週工時都唔超50個鐘，而法國嘅打工仔就最爽，每個星期淨係返35個鐘！不過喺香港呢個咁繁華、咁進步嘅城市，返咁少實在係太懶，縱壞晒班廢青，所以香港嘅打工仔應該要日日返工、日日OT！好似呢份工咁，每週工作7天，咁啲打工仔咪可以好充實咁過每一日囉～

又或者好似呢份咁，返一至五，但又要求你返埋星期六或者日！

不過其實七天工作週又算得係啲咩，之前有份工要求每天工作48小時?啦......一日得24個鐘，但香港人都可以變多24個鐘出嚟！

所以話，真係冇嘢難到香港人，呢啲係咪叫做香港精神？係咁㗎啦，畀心機做嘢啦！

來源：勞工處、JobsDB