每到暑假，又係大量Fresh Grad搵工同interview嘅時候喇，即係又係班老seafood恥笑新仔嘅時候喇。有網友喺香港討論區開咗個post，話聽到有Fresh Grad去佢做緊嗰間Trading Firm見 Junior Analyst。

開頭都係正正常常自我介紹下咁啦，不過呢個Fresh Grad就似乎冇乜準備，好多問題都唔識答咁啵。唔緊要嘅，邊做邊學囉後生仔，至少都睇得出佢意志比金堅呀！未炒過股都知自己由細到大都好鍾意炒股，唔知係咪晚晚都煲《大時代》當溫書呢？

In到咁上下，大佬問佢寫文掂唔掂，佢話幾百字都ok，跟住問返大佬有冇人會幫佢grammar轉頭！你哋唔好誤會佢係廢青呀，其實佢都係想用自己小小嘅力量，創造多啲職位，降低失業率啫！

去到最尾，Fresh Grad唔知是咪feel到自己冇機呢，竟然問大佬可唔可以畀幾個冧巴佢返去同阿媽交差！估唔到呢位Fresh Grad年紀輕輕已經深明「跌落地都要拿返渣沙」嘅人生大道理，他日浸淫職埸日子長啲，必成大器！毛毛睇好你呀！

職埸新鮮人見唔成工仍係兵家常事，但能夠做到跌落地之餘又拿到渣沙，實在唔容易！其實唔止見Trading Firm可以袋嘢落袋嘅，只要識得應用，就自然去到邊都大豐收啦！

資料來源：香港討論區