查實打工仔得閒射下波，係世上最正常不過嘅事，事關一年先得嗰7至14日年假，但平時返工就做到隻狗咁，邊度夠時間休息呀？

踏破鐵鞋盧覓雪，終於畀毛毛搵到份世界級筍工喇，年假有成7年咁多，只要喺度返夠1年，跟住就用嗰7年嘆下世界。Between，每個月人工得1萬蚊，即係1年得12萬，即係8年得12萬使咋⋯⋯窮住嘆世界啦唯有。

OMG，到底香港人係咪開OT開到傻咗，連時間觀念都開始崩壞？有讀者喺街見到呢張告示，話道門星期一到星期七，24小時都唔開……點解唔直接起幅牆呢，咁咪唔使整完道門又再print張告示話唔開囉？或者，點解唔直接寫「這不是永久性開放的門」呢？