上年928，相信心水清嘅大家都記得係咩日子，唉話咁快又一年......有一班文化同學術界嘅義工搞咗個「雨傘運動視覺庫存計劃」，用咗8個月時間收集咗大約400件來自佔領區嘅物件，仲諗住搞個展覽?～原本兆基創意書院都話肯提供場地畀佢地搞展覽嘅，後來唔知做咩又話唔畀喇！

對毛毛嚟講，最記得就係旺角關帝廟同聖方濟各街頭小聖堂，香港人真係好L有創意，哪裡有人，哪裡就有宗教！

當然仲有幅由大家一齊建立嘅民主牆啦（PS:毛毛都有份寫㗎）～

其實又唔使咁灰心嘅，Hocc之前兩次入紙申請紅館夠唔批啦，雖然方丈好小氣，不過佢話試到 80歲都要繼續試！毛毛覺得一眾義工sss可以學吓Hocc，搞唔到一週年展覽咪搞個80週年展覽囉～

來源：明報新聞網、Wing1990hk／維基百科、聖法蘭西斯／聖方濟各街頭小聖堂 St Francis' Chapel on the Street、Lennon Wall Hong Kong 連儂牆香港