古有惠康聖誕大特賣，今有的士中秋大特賣呀！其實唔係個個的士bb都黑面兜路嘅，有網民就搭咗架係人都like爆嘅的士喇。

呢架的士貼住張紙，寫住：
「本人非常感謝各位有心人乘坐這部車，本人為表一點誠意，所有車資一律半價:) 大家中秋節愉快」

嘩，半價喎，幾個人搭分分鐘仲抵過搭巴士啵～中秋節有半價，唔知新年清明佛誕有冇電視框呢？

早幾日都有個的士叔叔一路彈uncle-lele一路唱出打工仔心聲《半斤八兩》，迷人嘅鬚根加上滄桑嘅聲線，成功迷倒唔少阿豬媽！

仲有啲的士叔叔會放 IQ題或者黐滿卡通貼紙喺車㗎，真係好有愛！希望毛毛都可以遇到啲咁nice嘅司機大佬啦～

睇的士叔叔《半斤八兩》片：Home Sweet Home Ukulele HK

延伸閱讀：【好有愛】童真貼紙的士、呢個的士司機我Like啊