停咗兩年嘅國慶煙花今年又再放返喇！啪啪啪！偉大祖國成立66週年喎，得一次㗎咋，下年就67週年，梗係要慶祝啦！

本嚟話有得畀啲廢青感受下戰爭嘅防空警報嘅，不過啲不識大體、不譜國情嘅麻煩花生友係咁投訴，結果一向重視民意嘅政府，就惟有轉歌啦，轉咗首《愛的音訊》，射啲心心上天空囉，都幾靚嘅。

不過咁放一放啲煙花，23分鐘30秒，就使咗800萬喇！嗚呀，畀我上車啦不如。

咦？呢幕咩煙花嚟㗎？

我都知成本貴，但都唔使植入咁大個廣告㗎吓嘛？話晒都國慶吖，要賣，點計都應該賣強國機啦，點會明張目膽咁賣美國蘋果㗎？好大的膽子呀！

來源：Ming Andrew/小心駕駛(討論別人駕駛態度)、蘋果日報