大家點睇盧寵茂，寵寵？毛毛好想同佢講聲射射，因為佢除咗親身表演世界級插水，帶歡樂畀大家之外，仲喚醒咗香港人嘅愛呀！

之前由法政匯思召集人任建峰發起嘅「一人一句問候盧寵茂」facebook行動，個個都打返一兩句問候語嚟問候寵寵！

有啲仲問候埋佢全家?！

大家對寵寵嘅愛，又點止一句hashtag吖！有網民就決定send 問候email畀寵寵，等佢可以直線收到大家嘅心意吖嘛！搞到寵寵噚晚都要出返個聲明，希望網民不要太迷戀寵，寵只是個傳說咁話喎。

寵寵接受咗大家嘅問候，都禮尚往來咁袋錢落我哋袋，希望同學可以反省，同埋大家可以少啲鬥爭，河蟹河蟹咁話。佢仲話剩係呢幾日已經收到二千幾個問候email，好想大家stop la！唉，冇用㗎寵寵，你唔使逃避喇，好似你呢啲咁出色嘅男人，去到邊都會得到大家嘅祝福㗎。

封面圖片及資料來源：蘋果日報

延伸閱讀：【人間有愛】一人一問候盧寵茂