李氏力場雖然擋住咗個8號波，但仍然擋唔住啲橫風橫雨陰啲陰啲咁滲入屋。不過讀者Wai Lam Tang嘅媽媽就充滿生活智慧咁，用一條M巾就搞掂咗。

嚴格嚟講，嗰塊其實係一塊護墊，any肥，識得用，M巾同護墊其實好有用。

鞋墊：

對鞋唔小心買大咗個size，或者你好小心咁減肥成功，對鞋唔多啱著，就可以攝條巾入去做鞋墊，即方便又快捷，攝多幾個分分鐘可以增高呀。

膠布：

出街唔小心PK，個傷口太大唔通貼幾廿塊膠布咩，搵條M巾一嘢撻落去，咪索晒啲血囉。

退熱貼：

藍絲教落，降溫都得呀！下次發燒又好，發嬲又好，咪貼一貼塊護墊喺個額頭度囉，一定降到溫（一定得，除非唔得）。

賺錢：

搵食原來唔係咁艱難㗎咋，一塊M巾轉一轉手就可以賺到400，就算二手嘅打個五折都有200蚊袋喎應該，原來M巾咁鬼有用㗎！

來源：21CN生活

延伸閱讀：男人可以點用m巾？