只要識講普通話，就算你拎住幾大件同幾多行李，喺香港要搭任何交通工具，其實唔難。推住筴上港鐵已經是常識吧，可能你話，港鐵車卡大吖嘛，sor9ry，我想講，細細架嘅16人van仔一樣暢通無阻。

今日有網友就喺一架去葵涌嘅小巴度發現，平時好似好窄，肥少少行過都會撞到人嘅走廊，原來空間都幾闊落，可以最少擺到4件行李㗎！嗯，以後除咗可以話人肥過架電單車，都可以話佢哋肥過啲行李喇。BTW，睇嚟呢位網友應該坐車尾，唔知佢識唔識輕功嘅呢？唔識嘅話，應該要喺窗口跳車，或者車尾度門先落到車嚕。

另一位網友亦都表示佢曾經見過架運行李嘅小巴。唔講我仲以為係16件行李小巴，而唔係16座小巴呀！不過，如果你真係覺得小巴只係可以坐16個人，少年你未免太年輕了！

人嚟，同朕count下呢度有幾多人！

延伸閱讀：主席，我要點人數