真人真事，話說毛毛幾年前，試過飲飲下珍珠奶茶，見到迎面而嚟有個額頭正中間有粒家燕墨嘅女人，見到之後，再輕輕一咬口入面嗰幾粒彈牙嘅珍珠……嗯，自此，毛毛就再冇飲過珍珠奶茶喇……

好彩毛毛戒得快咋，有新聞話強國啲咁有口感嘅珍珠，係用舊車呔同皮鞋底整出嚟㗎！咁都畀你諗到，又幾有創意，仲幾環保?。

呢啲硬膠膠珍珠，食咗落肚會完全消化唔到，照胃部掃描，仲會見到白色一點點㗎！咁咪可以keep住飽肚感，食少啲嘢，間接解決糧食危機？

唔知強國會唔會推出呢款有助解決糧食危機同環境污染問題嘅糖水呢？咁有強國特色嘅分子料理，真係聽到都嚇一跳，然後唔識笑！

封面圖片來源：yp.pcauto.com.cn、dianliwenmi.com、mays2.weebly.com

資料來源：中國新聞網

延伸閱讀：【咁都畀你諗到】強國假米用紙造都得？！、珍珠奶茶地上最強對決