同學各位～找個位～這是你的開學禮～唉，你話你哋係咪犯賤吖......讀緊書嗰陣又唔想返學，出到嚟做嘢先知道讀書嗰陣有幾幸福，而家先嚟珍惜已經太遲喇！不過唔緊要，等毛毛同你哋重溫一下，你哋中學時期肯肯定會做過嘅嘢啦～

1. 上堂偷食

多數人上堂都係食下糖、?下香口膠呀咁，level高少少嘅咪食埋薯片囉，再高lvl啲嘅毛毛以前嗰班試過有人喺英文堂食埋隔籬個女同學⋯⋯個M記餐?呀～

2. 上堂釣魚

雖然時間表就中英數地理經濟音樂視藝體育⋯⋯乜堂都有，但講真你全日都淨係上緊中史堂之嘛！點解？堂堂你都去搵周公嘅，仲問？有靚女miss教嗰堂咪搵少陣囉......

3. 掟粉筆／粉刷

可能讀書太大壓力啦，個個都要靠掟嘢嚟減壓（好似而家掟飛鏢咁），一係就掟粉筆粉刷、一係就掟煲！

4. 出貓

老老竇竇，我唔係常客，只係間唔中出......下貓㗎咋，10次默書有9次咁囉，唔算好多啫～

5. 改老師花名

唔知點解，好似間間學校都會有個叫腸胃炎、波子陳、肥王、禿鷹曾嘅阿Sir/Miss嘅？嗯，其實又唔好話笑佢哋，啲花名都係令老師ssssss更加形象化、更加深入同學心啫！講真，當年冇畀人改花名嗰啲老師，我而家差啲連佢哋姓乜都唔記得呀！

6. 畫黑板／畫枱／畫書

唔賭唔知時運高，唔畫唔知畫功好！當想年杜甫都唔知做咗幾多個廢青嘅model呀，咁忙，真係辛苦晒～

雖然當你哋諗返起自己做過晒呢幾樣嘢嗰陣，已經冇機會再做......但有心嘅咪約返班中學同學出嚟聚下舊囉，唔好再話唔得閒／有嘢做／返工好忙／男女朋友生日喇，唔通真係等到變咗中女羅生門先嚟約咩？

封面圖片來源：TVB

資料來源：痞客邦、台灣達人秀、hoplay.com、新華體育