強國性教育堂要除晒衫嚟上?

毛毛仲記得讀小學嗰陣時上性教育堂,男仔同女仔要分開上堂,落堂時仲會有啲小禮物派畀我哋𠻹!誓估唔到,強國嘅性教育堂喺幼稚園時就已經開始,仲要除晒衫嚟上!強國就是強大呀!咩都比人行前啲、做多啲!

圖片來源:都市報道

呢間幼稚園位於洛陽偃師,個老師話咁樣做除咗想教性知識之外,仲想教識班小朋友做人嘅道理。嗯,老師呢個「做人」……相當有嫌疑呀下!btw,就算要教,都畀班小朋友著返件衫先啦!呢排轉天氣,凍呀!

圖片來源:都市報道

個老師要班小朋友除衫不特止,仲要佢哋擺pose影相,之後仲放埋上網(呃like?)𠻹呀!做咩啫,擺魔法陣咩而家!

班強國家長見到自己個寶貝畀人影晒全相,仲要放埋上網,梗係嬲到震啦!最後間學校要同佢哋道歉先冇事咋!雖然話國家要開放,思想要開放啫,但係開放成咁,又真係難接受啲囉!

 

封面圖片來源:都市報道

資料來源:都市報道微博 

毛記電視網站 · 版權所有 · 不得轉載 Copyright © TVMOST.COM.HK All rights reserved