公司班囡囡成日都上Fb玩啲乜乜乜測驗，之前佢哋先喺度玩緊嗰個心理年齡測驗，而家又玩緊第二個名字含義測驗嚕......見佢哋玩得咁開心，搞到毛毛都想玩埋一份?～不過毛毛呢啲小薯仔個名又有咩好測吖，識測，梗係測班正苦官員個名啦，話晒佢哋對香港有重大影響嘛！

1. 689

嘩！連689個野心勃起咗都講埋出嚟......果然係一個既誠實又大膽嘅測驗，世界都給你看透了！

2. 蔣元秋

蔣元秋就梗係英雄啦！正所謂「我不入地獄，誰入地獄」，前幾日連窮L最驚行入去嘅圓方商場佢都敢入去巡視，仲感嘆香港嘅零售業已經進入寒冬！嗯，放心啦，大家都會明白你有瑕疵㗎喇！

3. 孽瘤

毛毛都好欣賞孽瘤處變不驚嘅能力，就算之前自己畀麒麟hi親又好、條大腸畀全世界睇晒都好，都一樣未驚過（好似係），邊度跌低咪邊度起返身，再唔係搵Eric Chan扶一扶咪冇事囉～

4. AV仁

嗚呀！AV仁竟然係世界嘅淨化師？梗係啦，佢識得用白雪雪嘅AV女優嚟淨化垃圾會入面嘅烏煙瘴氣......除咗佢之外，毛毛諗唔到仲有邊個可以稱得上淨化師呢個朵囉！

5. 流肛華

咪住先，會直接表達自己觀點、好少收收埋埋？好似唔係幾準喎......可能畀大家玩得多，啲結果開始神神地啦～唔緊要，毛毛其實都學過下幫人測名嘅，等毛毛幫流肛華測埋佢啦～

啲人成日話「唔怕生壞命，最怕改壞名」，毛毛建議各位準媽媽可以參考一下呢班正苦官名嘅名，改得好咪可以好似佢哋咁，升官發財、光宗耀祖囉！

封面圖片及資料來源：knowyourinside