毛毛真係好感動，禮義廉又有恩政喇！今次係為街坊成功爭取到兩張櫈咁多呀！嘩，乜咁客氣呀？

唔好睇少呢兩張長櫈呀，一張可以坐到兩個人，兩張就可以坐到四個人！坐迫啲嘅話話唔定坐到20個人?，申請埋健力士世界大全都仲得呀！而且啲街坊仲可以坐喺度欣賞下馬路邊同天橋底嘅優美風光，吸收天地靈氣，所以話起呢兩張櫈係絕對實用，絕對值得出張banner話畀啲街坊知㗎！

可惜呢個世界上笨唔係有好多人好似毛毛咁明白禮義廉，個個都話佢哋呃人、做埋啲冇用嘅嘢。

嗱一係咁啦，下次學下你個黨員咁喺張banner度雞乸咁大隻字話畀人聽啲櫈係有咩用嘅，咁咪肯肯定唔會誤會囉！

封面圖片來源：KC Hui/西環變幻時

資料來源：西環變幻時、mrjimtong.sinablog