毒L最忌有自信，但有個日本毒L無自信到連用自拍棍都怕醜，寧願自己伸長啲隻手算。但佢又唔係路飛，邊度嚟隻彈弓隻手?伸極都唔會夠長囉！

不過佢又唔想放棄自拍嘅樂趣，所以就搞咗個發明駁長自己對手，長到可以影埋個背景。仲將製作過程擺埋上網，畀全世界嘅毒L仿效呀！

啲細節一啲都唔馬虎㗎，加埋件長手專用衫，咩穿煲位都收得埋。

實際出到嚟太顯眼太引人注目，仲引到遊客影相，完全係反效果囉！

睇嚟一眾毒L只要有呢雙手就會有人主動搭訕，分分鐘仲可以同妹豬合照?！

資料來源：omocoro