你哋畀般咸道石牆嗰幾棵古樹抖下得唔得？人哋同意斬樹又點喎，咪一樣成功當選！使唔使貼晒大字報咁呀？

有網民發現喺西環般咸道石牆樹嗰度出現咗幾張用紅色筆寫嘅英文大字報，毛毛9估個意思應該係話「我真係唔L明點解仲有人會投史提芬陳囉？」咁樣樣。咩話，唔知邊個係史提芬陳？等毛毛同你介紹返呀下。

史提芬陳其實就係同意斬樹嘅陳捷貴議員。喺區議會選舉宣傳期間，佢仲喺嗰幾棵古樹前面擺街站?！旁邊仲有佢提議興建，價值15萬嘅超離地實用避雨亭㗎！

做咩啫，呢啲全部都係佢嘅政績嚟㗎，個街站擺喺度係完全對得住天地良心㗎（好似係）。至於點解會有人投佢，我哋呢啲智力正常嘅人識條鐵咩！毛毛剩係知道，嗰幾棵古樹畀人斬咗都冇放棄到繼續生長，我哋香港人都唔可以放棄。希望4年後啲人嘅智力會高返少少啦，555555。

封面圖片來源：Pilot Ng/西環變幻時
資料來源：西環變幻時、陳捷貴、區議會文件 － 地區小型工程小組文件、梁柏堅