大家有冇睇《Do姐去Shopping》？今個星期有負皮王、馬明同鄭俊弘做嘉賓呀！聽講佢哋去咗車路士嘅主場館參觀，參觀完之後Do姐仲叫佢哋揀份得體嘅禮物送畀克勤?～克勤送禮都送得多喇，今次有人送禮物畀佢，毛毛諗佢收到實好開心啦！

而負皮王仲提議送迪亞高哥斯達嘅紙板公仔畀佢?～

喂咪住先，咩克勤唔係超級曼聯fans嚟㗎咩？全世界都知㗎喎！雖然呢度淨係得車路士嘅嘢賣啫，但負皮王都唔使揀個咁大個嘅迪亞高哥斯達紙板公仔畀佢呀？哦.....毛毛諗佢一定係想送畀克勤當沙包用喇～而克勤收禮物嘅片都已經有得睇喇，曼聯勤見到仲開心到嘩咗兩聲?......

佢仲話：「即係你會覺得迪亞高哥斯達嘅車路士，今年係可以同曼聯鬥嘅，係咪？咁就擺喺我前面篤眼篤鼻，等我可以......啊（揮拳），係咪？」......嗱，大家唔好誤會呀，見佢舉晒V字手勢就知曼聯勤鍾意份禮啦！

不過送車仔畀曼聯勤都算喇，仲要送埋兩套利物浦球會足球訓練套裝......

唉，你哋都係自己睇啦：