【畀啲誠意好冇】使咗成36萬 你唔係連錶帶個窿都打歪呀?

陰公豬咯,有網民大嗱嗱拎咗36萬去買名錶,點知條錶帶畀個職員打歪咗個窿呀!喊出嚟!

圖片來源:Alan Wong

本身個職員都只係話打完窿之後,條錶帶背面嘅英文名可能會小咗個字,點知打完拎返出嚟,唔係冇咗個字咁簡單,而係成個窿都歪咗呀!睇睇下,根本連個大細都好似唔係好啱喎!而且張保證書連個地址都打錯埋,睇嚟呢間公司都好需要download我哋嘅低能app呀下。

圖片來源:Alan Wong

嗱有片有真相呀:

請share 前幾日買左隻行貨AP 26401 ,今日攞去IFC AP專門店比個女職員將條錶帶打多個窿,個女職員話打完有機會條錶帶背面個牌子會無左個英文字,我話無問題,之後等左10分鐘左右,攞返隻錶過來竟然打到個窿歪左,然後竟然唔想負責,不停講推卸責任嘅説話,仲話打之前已經講明,講到最後都係唔肯講佢地會負責,到最後只係話將我隻錶send 上維修部比維修師父睇,仲有一隻幾十萬嘅錶張保證書竟然會印錯個地址,一個咁大嘅牌子竟然會咁樣,簡直離譜,󾌽󾌽󾌽󾌽󾌽󾌽󾌽󾓶󾓶󾓶󾓶󾓶󾓶󾓶󾓶,請各位評下理!

Posted by Alan Wong on Tuesday, November 24, 2015

 

毛毛就唔係好識名錶呢啲嘢,不過樂觀啲睇,佢都係打錯咗一個窿啫!唔係打錯晒已經好好喇:

嗯,睇嚟名錶呢家嘢都唔係好啱毛毛玩,我都係戴返膠錶算喇。

 

封面圖片及資料來源:Alan Wong 

毛記電視網站 · 版權所有 · 不得轉載 Copyright © TVMOST.COM.HK All rights reserved