突發！有個阿叔拎住支噴漆，噴白咗般咸道石牆嗰幾張大字報嘅Don’t同bloody呀！

佢唔單止噴，仲自己帶埋支紅筆嚟，好有心機咁寫自己意見上去：

雖然毛毛仲係唔係好明點解會有人投史提芬陳，不過尊重選民意見呢句說話呢，毛毛又撐佢喎。香港就係勝在有言論自由吖嘛，冇話得我講冇你講嘅。之不過尊重還尊重，阿叔你可唔可以自己帶張紙去寫呀？唔通你係環保份子，想慳返啲紙？如果真係想環保嘅話，就唔好噴到啲樹喇，毛毛唔想佢哋再畀人斬第二次呀！

封面圖片來源：Gabriel Lau

資料來源：西環變幻時