高速掟彎都唔漏嘅信念唔係得車手有㗎，日本一班侍應畀班客仔使到又快又穩定，摩打腳配穩陣上半身，著晒成套suit、拎住玻璃杯跑都無問題，連藤原拓海都唔夠佢哋揮！

日本橫濱23號嗰陣搞咗個日本侍應賽跑，有成過百個侍應應機，話要示範下咩係專業喎。

如果好似呢個靚仔咁衝太快，跌爛杯、樽就會畀人取消資格，仲有唔單手托盤、用晒左右手咁唔專業又out！總之要靚靚仔仔衝過終點先算贏。

喺日本呢啲先叫專業，不過如果喺香港搞，應該都唔會輸蝕㗎！肯肯定可以表演下如何專業地對付客人囉！

封面圖片來源：kagetsu_usako/twitter
資料來源：Waiters Race Japan