2015年12月06日 星期日
【撻著家長系列】老師罰學生抄100次「幹你娘」
想當年，毛毛仲係小學雞嘅時候，邊敢同人鬧交吖，但而家啲小學雞個個都牙尖嘴利，串起上嚟分分鐘仲串過毛毛......而台灣都有小學雞學人鬧交，佢竟然對住同學仔講「幹你娘」呀（小朋友切勿模仿）！嘩，佢咁曳曳豬，老師梗係要大大力罰佢啦，之不過個老師竟然罰佢抄「幹你娘」100次，仲話抄完之後要畀阿媽簽名？！
雖然個小學雞係抵罰，但你罰人哋抄啲咁嘅說話，你叫人哋阿媽情何以堪啫，抄下課文咪算～唉，最後咪搞到人哋阿媽唔肯簽名，仲喺張罰抄度寫「老師教的！幹誰的娘。」囉......
講開罰抄，四川電子科技大學成都學院嘅王老師都有一個懲罰學生遲到嘅好方法，就係抄呢個「biang」字1000次呀！
嗚呀，見到呢個字真係連毛毛都唔敢再遲到......btw，其實要大大力罰學生，等佢哋記住自己嘅過失，罰佢哋狂操TSA咪得囉～
封面圖片來源：蘋果日報
