【世界大戰抹黑宇宙了】雪糕優惠fail 網民留言插爆

聽講噚日有甜品店做緊雪糕買一送一優惠,原價要成$40幾蚊個,貴嘢嚟㗎!做咗優惠之後即係平咗廿幾蚊咁多多,嘩抵咗好多呀真係!可惜毛毛一支公,搵唔到人同我些牙,所以最後都冇去到囉。點知原來好似全香港人都去咗排隊喎!

圖片來源:Wan Ching Tong

嘩,唔講毛毛仲以為年宵提早咗開始呀!聽講高峰時段條人龍仲試過由九龍塘排到上深圳𠻹!估唔到一個優惠就可以令到香港人咁團結,計我話奶媽仲使乜搞啲咩欣賞香港嘅活動吖,間雪糕店日日做優惠咪得囉!之不過間雪糕店實在太睇小香港人對雪糕嘅渴求喇,啲雪糕原來係限量供應嘅,仲要提早截龍,搞到返office工嘅人食唔到囉!哎呀,好多人成世都未食過雪糕㗎嘛(好似係),食唔到雪糕,結果咪搞到個個喺甜品店個facebook度留言插爆囉:
圖片來源:Godiva Chocolatier (Asia)

圖片來源:Peter Sam

不過有班網民就唔係咁睇喇,佢哋覺得為咗廿幾蚊而排到2046根本就唔值得!喂,邊個話因為貪平先去買雪糕啫,係對食嘅一份執著呀!你哋識條鐵咩!

圖片來源:Godiva Chocolatier (Asia)圖片來源:Godiva Chocolatier (Asia)

唉,毛毛食花生都食到飽晒,唔使食雪糕喇。Btw,今晚金鐘都好似有雪糕派,肯肯定唔會截龍,仲無限量供應,唔知會唔會都有咁多人去呢下?

 

封面圖片來源:Godiva Chocolatier (Asia)

資料來源:Godiva Chocolatier (Asia)Wan Ching Tong 、Peter Sam 

毛記電視網站 · 版權所有 · 不得轉載 Copyright © TVMOST.COM.HK All rights reserved