網絡23條今日就二讀喇，網上咁多解釋呢條惡法嘅Q&A、懶人包、字典，相信大家都由懵豬豬進化到醒目仔，比起之前了解咗好多啦。

但係劉慧卿就未成功進化囉，有記者問佢知唔知網上直播打機會唔會觸犯草案條文，佢竟然……係連網上直播打機係乜都唔知呀sor。喂呀你好似係草案委員會成員嚟㗎喎？自己都懵懵下，網民又點信你呀？

之前卿姐講到民主黨唔會拉布嘅時候就話過「我哋民主黨頂天立地，清楚知做咩同點做」，55，睇嚟佢其實連自己做緊乜講緊乜都唔知。

最近梁書記將同當紅巨星蝗家強仲有班高官一齊唱《喜歡你》cover嘅片放上facebook，毛毛loop咗19幾次，又睇唔出佢係戲仿、諷刺、模仿、營造滑稽、評論時事或者引用呢啲喎，似係抒發個人對國家同國家強嘅感情，同展示靚聲才藝多啲囉。如果網絡23條通過咗，會唔會犯法㗎？

知識產權署署長梁家麗就解答咗毛毛嘅疑問喇！佢話特首係公眾人物，可能可以用「報道時事」呢個公平使用條文去豁免呀！哦！原來特首喜歡你笑聲意淫淫願再可輕撫你，係一件時事嚟嘅！要考通識嘅學生哥記得溫熟啲喇！

封面圖片、資料來源：蘋果日報