想當年毛毛仲喺後生毛嘅時候，都曾經試過考試嗰陣帶張cheat sheet入試場。小學雞同中學牛可能唔知cheat sheet係咩嚟㗎喇。其實係一張類似貓紙嘅嘢，但又唔係出貓喎！因為係教授批准你帶嘅！不過你又唔好諗住可以抄晒成本書落去實冇死呀，事關通常係有限制嘅，好似規定咗張紙一定要係A4 size，同埋剩係準帶一張紙咁樣樣。

嗱嗱嗱，雖然多多限制，但係呢位學生就成功將不可能變成可能！成張紙寫滿晒字密密麻麻，啲字嘅size仲細過個一毫?呀！透過呢堆字，毛毛完全感受到佢有幾努力（同時有幾絕望……）呢位神人仲話，原來佢抄咗半本辭海落去呀！咁都做到，毛毛都要畀個叻你！不過我想問，你寫到張紙咁，到時考試搵得切啲point㗎喇？

外國有網友就將cheat sheet呢樣嘢玩到出神入化：

有彩虹大法，分晒顏色就易搵好多啦！

有人甚至整咗張3D版嘅cheat sheet，一張紙寫到兩層字，抵呀！只要有副紅藍色嘅3D眼鏡就睇到㗎喇（不過要你個教授畀你帶入試場先囉）！唉，其實毛毛都知道，你哋搞咁多嘢都係唔想爛grade啫，毛毛都經歷過，我懂的，嗚嗚。希望考試大神會保佑你哋啦！

封面圖片來源：HKU Dry Club

資料來源：HKU Dry Club、reddit、alfa-img