【做咩啫你】唔畀帶尿袋上機 強國女格硬拆開爆炸

尿袋(即係叉電器呀)一定要hand carry上機,仲要限件數限watt數,是常識吧!毛毛以為嗰啲成日搭飛機去旅行嘅強國土豪都會知吖,點知都仲係有人想強行帶個唔啱規格嘅尿袋上機,最後仲搞到爆炸,真係有性格呀!

圖片來源:民航資源網

是咁的,話說噚日有個強國女人喺機場過緊安全檢查嘅時候,畀工作人員發現佢原來隨身有個唔啱規格嘅尿袋。好心提佢個尿袋唔畀帶上機啦,點知個女人竟然想強行拆開個尿袋,證明畀個工作人員睇佢部尿袋係安全呀!

圖片來源:民航資源網

咁樣一拆,就出事喇……貫徹返「中國的會爆炸」嘅大原則,呢個尿袋即刻自爆,仲炸到粉身碎骨𠻹呀:

圖片來源:民航資源網

好彩最後都冇人受傷,不過個大媽就畀公安拉咗囉。唉其實樂觀啲諗,大媽都係用自己嘅方式去表達自己啫,毛毛欣賞你嘅求真精神!btw,喺機場拆,都好過佢上咗飛機先拆吖(好似係)!55。

 

封面圖片及資料來源:民航資源網

毛記電視網站 · 版權所有 · 不得轉載 Copyright © TVMOST.COM.HK All rights reserved