之前有人搞埋啲咩facebook速成班，話係專教啲公公婆婆用喎。計毛毛話，而家啲老人家不知幾潮，分分鐘仲潮過毛毛?呀！

台灣呢個婆婆就因為潮玩facebook玩到出晒名，個acc而家仲有成4萬幾個followers?！足足係毛毛嘅4萬倍……

點潮法？佢每日都會更新自己個facebook，同網友開心些牙佢同個孫仔嘅趣事，好似平時佢就最鍾意用「頭殼壞掉」嚟串孫仔：

除咗打字，影相呃like都是常識！你睇下佢舉V字自拍幾打耳！

除咗會好似港女咁自拍之外，婆婆有時都會行下文青路線嘅。好似普通影一個奇異果咁，都係有晒構圖，仲要落埋filter執靚佢：

仲有呢副同樣行文青路線嘅假牙，充滿唯美感，直頭影到好似真嘅牙咁呀！

要老人家學習新事物其實唔係一件容易嘅事，但呢個婆婆唔單止識玩法，仲要玩得咁叻，真係超犀利呀！如果香港正苦啲官員可以跟婆婆學下點樣用facebook，唔好下下出咗事都要請Eric Chan出嚟，或者賴落啲黑客度，咁就好喇。

封面圖片及資料來源：邢黃滿金