「生日又點吖，咪淨係會出現一堆同你講生快同HB嘅人！如果唔係Facebook有notification，佢哋會記得我生日咩！？」

喂喂喂！巴打咪咁灰啦，毛毛而家就講個堅．勵志故事畀你哋聽，等你哋知道呢個世界係仲有My pen is blue, my friend is you嘅友情㗎！話說喺一年前，有位巴打20歲生日，佢多謝完大家嘅祝福之後就講笑咁話，依家就開始倒數21歲生日啦～

點知呢個叫Cory嘅巴打就真係二話不說咁講咗句同You jump I jump差唔多level嘅「If you say so.」，仲即刻由第364日開始倒數！到底乜嘢係男人嘅浪漫？咪就係呢啲囉！

於是呢個朋友就日復日咁倒數......倒呀倒......

倒呀倒......

Sorly，由於時間嘅關係，已經Fast Forward嚟到一年後嗰位巴打21歲生日嘅大日子。而Cory真係冇走數，好準時咁講咗句生日快樂呀！唉，毛毛都好想有位咁有耐性，肯陪自己癲嘅朋友......

呢個故事話咗畀大家聽，無論男人定女人，一生只為尋覓一個唔使Facebook notification，都記得你生日，主動同你講生日快樂嘅朋友。

封面圖及資料來源：Metro