扮工時間，毛毛梗係上淘寶啦，之但係唔係人人都識淘寶㗎嘛，咁佢哋扮工咪少好多樂趣囉！於是出名關懷基層嘅工聯會就搞咗個淘寶課程，真係好貼心呀！

睇落個課程內容都幾豐富喎，搞到毛毛都有啲心動?！嘩，乜原來學淘寶都要畀480蚊咁貴嘅喂？咪即係要成$80一個鐘？嗚嗚，毛毛一個鐘都未必有$80人工呀……不過諗落$500有找呢個價錢都算相宜啦，之前有個學飛時卜嘅課程收人五嚿幾水?呀！

老老竇竇，淘寶呀飛時卜呢啲嘢，毛毛都係自學㗎咋嘛，最多毛毛親自教你收半價喇！不過咁，有啲嘢，即係例如演技咁啦，就唔係咁容易自學喇，毛毛建議工聯會應該開返呢個班！

唉，如果工聯會一早開咗呢個班，咁咪唔會搞到佢哋嘅盟友因為喊出國王的眼淚而被人係咁鼎囉！

封面圖片、資料及圖片來源：Candy Rain Chow、Nicko Ip

回帶睇：【絕對合理】五舊水學玩facebook!