唔講唔知，毛毛都係J男神碧咸個挨豬先知，原來今日係英國嘅老母節喎，好在毛毛老母唔知咋，如果唔係又畀老母話毛毛不孝㗎喇唉～

嘩，原來男神呢家嘢，真係天生㗎……碧咸人仔細細就已經咁靚仔，難怪大咗都咁型仔啦，55！不過咁，毛毛當然唔止留意碧咸BB一個啦，仲留意到佢隔離嗰位靚女，咦？乜碧咸阿媽生得咁似毛毛BB嗰陣嘅女神Diana王妃嘅？

女神Diana王妃幾有仙氣相信都唔使毛毛多講啦！果然真係有其母必有其子呀，碧咸阿媽生得咁靚，難怪碧咸都咁靚仔啦！

唉，如果毛毛老竇係娶個似朱茵嘅，咁毛毛就唔使做毒L咁窿ly啦～不過咁，唔係得老母含辛茹苦咁養大毛毛，毛毛而家都仲可能係游下游下咋！所以就算毛毛老母唔似Diana王妃，對毛毛嚟講佢都係全世界最靚嘅女人嚟㗎！

封面圖片、資料及圖片來源：davidbeckham/instagram、prphoto