香港，勝在有你哋咋！是咁的，話說最近深水埗明哥畀業主瘋狂加租，多得有對面舖個良心業主謝先生讓咗個舖位出嚟，仲以平租租畀明哥，佢先可以繼續幫人咋！

有網民就發起活動去幫襯謝先生，希望可以幫佢清晒啲貨，實行「你幫人時，人幫你！」！

而今日亦都有網民分享，話原來喺上年?陣呢位謝先生已經幫過一位婆婆，仲對佢超細心勁體貼呀！

原本佢啲背囊賣＄180一個，但佢見位網民係買嚟送畀婆婆，就自願賣平啲，話預埋佢一份喎！唔單止咁呀，佢仲話啲婆婆個袋入面通常有好多瑣碎嘢，所以最好就等婆婆自己執，我哋企喺旁邊幫下佢就得喇喎！嗚哇，咁細心都有，你咪就係堅﹒暖男！

多謝你哋令毛毛對呢個世界有多返啲希望呀！如果香港可以有多啲呢啲好人好事，少啲膠人膠事，就好喇。

封面圖片及資料來源：Benson Tsang、James-占士甸峰、蘋果日報