噚日知道《鋼鍊》拍真人版嗰陣，毛毛啲回億即刻含含聲咁返晒嚟，要溫返嗰六十幾集《鋼鍊》先得！不過原來唔止得毛毛一個未睇先興奮，一班日本網民都即刻腦補咗幾個鋼鍊嘅角色應該畀邊個做呀！而對毛毛嚟講，最令毛毛深刻嘅都係妮娜畀佢個pk老竇拎嚟合成嗰幕，毛毛睇到差啲喊出嚟！

但估唔到呢位日本網友竟然…...竟然將妮娜神還原咗出嚟，嗚哇，睇到毛毛酸都心埋，又要整濕毛毛對眼多一次喇…...嗚嗚。

除咗妮娜，日本啲網民竟然連邊個做佢個衰鬼老竇都搵埋，又真係幾似喎～

佢嗰種調皮嘅神態又的確幾似教主Envy喎，不過如果可以瘦返啲就更好啦！

嘩，真係好似愛德華老竇呀，好型呀！如果毛毛可以有佢十分一就好喇！

每次見到呢位豪腕之鍊金術師，就代表會有漲卜卜肌肉睇喇，hehe～唔知真人版會唔會有筋肉嘅爆衫場面呢？

老老竇竇，毛毛對呢套真人版都幾期待下，希望今次班製作人員醒醒定定，唔好崩壞毛毛對鋼鍊嘅回億啦…

封面圖片、資料及圖片來源：sakuri_hk/twitter、tyuniorenji/twitter、
shadowmoon0208/twitter、seo_t/twitter、rikushi11/twitter

回帶：《鋼之錬金術師》拍真人版 山田涼介做主角？