【咁都得】幼稚園叫家長寫700字感想交功課

而家啲小朋友晝夜無間咁做補習練習想討好老母,但係唔好以為做老母就好簡單,淨係check小朋友有冇做功課就得呀,其實家長一樣要做功課,keep住自己個水平㗎!

讀者來圖:Joey Chung

通常啲家長呢,都係去下學校家長會食下茶點傾下點湊仔湊女就得㗎嘛,但呢間幼稚園嘅家長就唔同喇,真係落手寫埋家長心聲出嚟,仲足足700字咁多𠻹,唔係得把口㗎!咁先可以體會到小朋友由細細個就要操DSE有幾辛苦㗎嘛,又唔使怕小朋友話「媽咪唔做功課我都唔做」喎~一舉兩得,呢間幼稚園真係用心良苦呀。

毛毛都好希望了解下腦細有咩心聲呀,唔該佢準時交文畀毛毛啦。多謝合作。

毛記電視網站 · 版權所有 · 不得轉載 Copyright © TVMOST.COM.HK All rights reserved