俗乳有暈，活到老學到老，毛毛活咗廿幾年人，都keep住學習點樣完美射個三分波㗎！不過唔係個個都好似毛毛咁熱衷鑽研球技嘅，就好似呢位87歲嘅婆婆咁，72歲先嚟學影相，學埋點用Mac book都未遲，仲可以搞個人攝影展?呀！

婆婆你冇事吖嘛，毛毛作為一介暖男，見到阿婆跌低，梗係想第一時間衝過去扶阿婆過馬路啦，可惜隔住個mon吖，乜影相嗰個見到阿婆跌親都唔扶一扶佢㗎……但查實影相嗰個咪就係阿婆自己囉！呢個阿婆為咗影呢啲動感，不借以身犯險，堅係為藝術而犧牲呀！

除咗呢啲高難度動作系嘅攝影作品之外，阿婆仲有啲個人靜態攝影作品㗎，唔知佢係想表達啲咩呢？

其實就算個人老咗，又有咩好怕喎，最緊要係好似呢個阿婆咁，keep住一顆學新嘢嘅心，咁就幾多歲都咁fresh啦！話時話，呢位婆婆影相咁叻，唔知佢可唔可以教毛毛點樣可以影得自己靚仔啲呢？

封面圖片、資料及圖片來源：kushinon/twitter、47news.jp