因為低成本製作嘅本地獨立電影《十年》攞咗香港金像獎嘅最佳電影，引嚟電影投資者兼老闆林建岳，拋出咗一句「如果我話俾你聽，有一間雲吞麵店係全香港最好嘅餐廳，你會唔會唔服氣」⋯⋯我哋梗係唔服氣啦！雲吞麵喎！就好似呢間喺大埔開咗70年、一家四口親自落手做麵嘅雲吞麵舖，有人每個星期6日都去刷幾碗麵、連星爺周星馳都係佢粉絲，唔敢話係最好，不過，喺雞蛋與羔羊呢邊，起碼佢都係「最Like」嘅囉！