為咗令乘客搭車唔好倍感孤單，巴士公司為大家安排咗精彩嘅廣告sss，每程車總有車淑梅喺左近，次次都會見到淑梅姐啪完粒糖深呼吸，不過毛毛都係想靜靜地放個工啫，你放過我啦車淑梅。

呢個世界有咩洗腦得過SAS，肯肯定係巴士廣告，尤其係喺你返工放工呢啲人性最脆弱嘅時刻，日X日喺你頭頂播同一個廣告，真係訓著都會夢得返個把聲呀。不過最近終於有人反抗喇，為咗世界嘅清靜，有人拆咗巴士椅背嘅廣告嚟封住個喇叭佢呀！！

有網民仲話如果有得賣專門用來罩住roadshow個mon或喇叭既罩，隨用隨拆，佢一定買，諗落呢個發明真係有得做喎～

諗到可以用嚟封喇叭毛毛已經相當欽敬，其實巴士椅背嗰張睇落平平無奇嘅廣告都可以發揮無限創意，有人淨係搣咗張廣告塊餅落嚟......即刻變咗件藝術品喎

仲有當剪紙用嚟砌字又得，香港嘅乘客真係好有創意呀～

講到呢度毛毛仍然係成個腦都係淑梅姐，為咗唔使再管教好腸胃同睇車淑梅深呼吸，毛毛決定今晚放工游水返屋企算喇。

來源：陳到Do Chan 專頁