2016年04月28日 星期四
【係回憶呀】溫泉旅館竟然有超任遊戲機畀人玩？
去過日本嘅廢青sss都知，日本啲酒店出晒名服務夠貼心，娛樂設施除咗有電視之外，有啲酒店仲會有埋按摩椅呀、漫畫呀咁，不過毛毛就丁丁插沙都估唔到佢竟然有埋呢樣嘢囉......
嗚哇，係超級任天堂遊戲機呀！！！
話說最近有個日本網民就去咗箕面溫泉旅行，點知就畀佢喺旅館發現咗間超級任天堂遊戲機房，仲有大量遊戲卡帶?......真係揀玩邊隻game都可以揀返七七四十九個小時！
老老77，毛毛覺得呢個又點止任天堂咁簡單......呢個直頭係天堂?啦～睇嚟毛毛都要將呢個旅館book mark定先得，等我呀超任遊戲機！
圖片及資料來源：ryorca／twitter
