雖然毛毛讀書少，但係中文字係由象形文字演變而嚟呢樣嘢，毛毛都係知道嘅。好似個麗字咁，其實佢都係象形文字嚟㗎！本身係想表達啲鹿角好靚，點知呢個網友誤打誤撞之下，竟然打開咗新世界……

是咁的，話說呢個網友練練下字嘅時候因為個比例掌握錯咗，就發現原來個麗字嘅上半部，根本就係一對眼神凌厲嘅眼！唔知點解，毛毛望望下仲覺得好似有啲似武藏同小次郎對眼?喎……

就係咁，一場麗字崩壞大賽咁就開始咗喇……有依起棚牙笑得好開心嘅麗字啦：

亦都有震驚咗13億個麗字嘅……麗字：

又點少得唔開心嘅麗字呢？真係睇到毛毛都有少少灰9呀。

Any肥，呢啲咪就係繁體字嘅特色囉！你估嗰啲咩殘體字有冇得咁玩吖嗱？

嗯……愛冇心、親不見，其實都幾象形幾具體吖可！

圖片來源、資料來源：鋼筆旅鼠本部連