你以為行康城紅地毯著得靚同少布就可以搶鏡？呢個想法已經落伍鳥，家陣興咁樣樣先搶到鏡㗎！

要搶fo真係要做足準備，首先我哋要欣賞下呢件衫，呢套鮮紅火雞....呀唔係，係鳳凰裝，幾咁特別。哇你真係玩晒啦，邊個夠你搶鏡呀。

不過今時今日淨係著得神奇頂級超卓係唔夠㗎（尤其係喺一眾強國時裝巨子面前），識玩一定係玩攝鏡，企正正喺主持人後面唔走就實冇死啦。


不過由於佢太鮮明太出眾嘅關係，最後保安哥哥都係忍唔住出嚟請佢好行，仲要畀人影到呢幕，即刻做成得全晚焦點，得咗！不過呢單嘢揚咗之後，啲唔識欣賞行為藝術嘅人加以恥笑，而強國媒體即刻劃清界線呢個係台灣女星喎！吓，呢位叫趙爾玲嘅演員係嚟自山東㗎喎，唉一日都係毛毛地理唔好，原來山東已經係屬於台灣都唔知?。

哎呀！咁就畀佢上到鏡，一定葡萄死班姊妹啦，不過以強國人遇強越強嘅精神，下次可能見到祖國同胞喺奧斯卡紅地毯度除衫跳火圈加心口碎大石呀！

睇片呢度（19分15秒睇起）：


圖片來源：mywow、Festival de Cannes (Officiel)