正所謂，日防夜防，家賊就最難防。最近，有市民喺上環一間海味舖度發現咗一宗乾瑤柱失竊事件，而犯人竟然係自己人？嘩，唔熟唔食咁冇品，一於捉佢出嚟公審啦！等毛毛睇下佢係何方神聖先～

哦，原來就係你！你個大膽逆賊，居然單手扶住個筲箕再用腳仔踩住個紙皮箱就偷到啲乾瑤柱……又係幾好身手㗎喎！

btw，你隻衰嘢，周圍咁多樣嘢都唔偷，係都要偷乾瑤柱……真係唔貴嗰樣你都唔揀㗎喎，你都好識食啫！咁曳曳，係咪想毛毛打你個厚肉pat pat呀？

貓貓表示：唔通我幫手做QC又要話畀你哋班低賤嘅奴才知咩？

圖片及資料來源：Peter Lee／天下貓貓一樣貓

回帶：【道德淪亡】成班賊仔吹晒雞咁公然搶嘢！

回帶又回帶：【世風日下】呢個露出半個屁股嘅小偷相當有嫌疑